REDACCIONES

A Semana das Ciencias do Colexio Bouza Brey

 

                Comezamos a semana indo a un planetario dentro dun tipo de colchoneta con forma de iglú. Vimos as constelacións das estrelas e a Terra nas diferentes posicións que estaban nas estacións do ano. Foi interesante e alucinante.

Despois fomos a facer un experimento en ciencias naturais sobre un volcán. Estaba formado por un envase de “Actimel” e plastilina arredor del. Para facer que estoupara facía falta bicarbonato e vinagre. Cando se mesturou formouse unha gran reacción química.

Para finalizar a semana realizamos o magosto no Vixiador (cerca da Madroa) un bosque onde hai un parque para os pequenos, grandes extensións de herba, etc. Eu tomei unhas castañas e paseino de marabilla.

                                                                                              F i n

                                                                                                                                  Marcos Iglesias (1º E.S.O)

 

Semana das Ciencias no Colexio Bouza Brey

                 Este ano, a Semana das Ciencias foi dende o día 5 de novembro ata ao día 9; e estaba adicada ás Enerxías Renovables.

                Nós subimos ao laboratorio e alí quecemos un envase de iogur cun chisqueiro de alcohol, que coa calor encolleu. Tamén fabricamos plástico, mesturando cola branca, alcohol e auga; desta maneira quedou unha mestura xelatinosa que tivemos que deixar secar.

                Finalmente, o xoves pola tarde fomos ao ximnasio, onde montaran un Planetario. Era coma un iglú inchable de cor negra, cun proxector no medio, que a través dun vídeo explicounos cousas sobre as estrelas e as constelacións.

                                                                                                                              Clara Martínez (3º ESO)